Eagarfhocal

Cá seasann Rialtas na Poblachta seo maidir leis an Iaráic.

Is doiligh a rá. Seans nach bhfuil a fhios ag an Taoiseach é féin i ndiaidh an léirsiú mór sin i mBaile Átha Cliath.

Is cinnte gur bhain sé stad as. Tá ráitisí ag teacht a bhéarfadh le tuiscint go ndéanfaidh an rialtas iarracht fanacht amach ó pháirt gníomhach a imirt sa chogadh atá ag bagairt, muna na Náisiúin Aontaithe a mbeannacht dó.

Ach ní leor é sin.

Bhí éileamh láidir ag an slua a ghlac seilbh ar lár Bhaile Átha Cliath ar an 15 Feabhra: nach bhfuil siad ag iarraidh go mbeadh baint na páirt acu le cogadh Bush & Blair, fiú má éiríonn le Uncail S.A.M. agus an Bhreatain na vótaí atá de dhíth orthu ar an Chomhairle Slándála a cheannach.